Diolch Sam…
Am wneud y rhan fwyaf o’n deunyddiau marchnata!
Rydym wedi darparu logos yr Wythnos Gwaith Ieuenctid i chi eu lawrlwytho a’u defnyddio i hysbysebu eich digwyddiad ac i’ch helpu i’w farchnata’n effeithiol.
Hysbysebion baner ar y wefan
Mae’r rhain yn hysbysebion baner ar-lein y gallwch eu dangos ar wefannau eraill sy’n targedu pobl ifainc. Mae un yn dangos neges generig am ddigwyddiadau gwaith ieuenctid, mae’r llall yn rhoi gwybod i fwy o bobl am y cyfleoedd i weithio fel Gweithiwr Ieuenctid yng Nghymru. Pan fyddwch yn clicio ar fersiynau Flash y naill neu’r llall cewch eich cymryd yn syth at dudalen hafan Diolch Sam. Os ydych yn defnyddio fersiynau GIF wedi’u hanimeiddio, rhowch ddolen o’r GIF i’n tudalen hafan pan rowch y GIF ar eich gwefan os gwelwch yn dda.Felly helpwch ni i hybu gwaith ieuenctid yng Nghymru drwy eu rhoi ar eich gwefan,
Mae baneri Generig a Gyrfaoedd ar gael mewn Flash ac mewn fformat GIF wedi’i animeiddio, yn y meintiau safonol: Skyscraper (120x600px), Skyscraper wide (160x600px), Square pop-up (250x250px) a Leaderboard (728x90px).
Pum poster hir cyffredinol i ddewis ohonynt
Rydym hefyd wedi cynhyrchu cyfres o bosteri i chi eu defnyddio. Yn fwy na hynny, gallwch ddewis naill ai lawrlwytho ac argraffu posteri cyffredinol neu eu newid i gynnwys manylion eich digwyddiad arbennig chi.
Mae’r rhain yn bosteri hynod o effeithlon. Maen nhw’n dair tudalen A4 o hyd felly maen nhw yn cael effaith pan fyddan nhw ar wal neu hysbysfwrdd. Gallwch osod sawl poster ochr yn ochr i greu llinell hir o ddelweddau llachar ar un ochr i ystafell neu goridor. Mae’r PDFs wedi’u creu ar gyfer maint A4. Yr unig beth sy’n rhaid i chi ei wneud yw uno’r tri A4 gyda’i gilydd i greu eich poster.
Pum poster hir wedi’u haddasu i ddewis ohonyn nhw
Mae’r rhain yr un fath â’r posteri hir cyffredinol heblaw eich bod yn gallu eu haddasu i gynnwys manylion penodol am eich digwyddiad. Yr unig beth sy’n rhaid i chi ei wneud yw teipio’r wybodaeth yn y mannau gwyn ar y posteri. Yna arbedwch nhw a’u hargraffu. Mae mor hawdd â hynny!
Pum poster cyffredinol A3 i ddewis ohonyn nhw
Mae’r rhain hyd yn oed yn symlach. Maen nhw’n bosteri A3 y gellir eu hargraffu ar A3 neu A4 os mai dim ond argraffydd A4 sydd gennych. Bydd y PDF yn awtomatig yn rhedeg fel A3 neu A4 yn dibynnu ar faint y papur fyddwch chi’n ei ddefnyddio.
Pum poster A3 y gellir eu haddasu i ddewis ohonyn nhw
ae’r rhain yr un fath â’r posteri cyffredinol A3 uchod heblaw eich bod yn gallu eu haddasu i gynnwys manylion penodol am eich digwyddiad. Yr unig beth sy’n rhaid i chi ei wneud yw teipio’r wybodaeth yn y mannau gwyn ar y posteri. Yna arbedwch nhw a’u hargraffu. Mae mor hawdd â hynny!
Dolenni Defnyddiol i Safleoedd Eraill
Rydym wedi ceisio creu dolenni sy'n berthnasol ac yn addas i ddefnyddwyr ein gwefan, ond ni allwn fod yn gyfrifol am gynnwys unrhyw un o'r safleoedd hyn.